Jeg vet dette er den gjeldene sannhet, men det var også en gang at sannheten var at jorden var flat. Treningstrender snur også. Er vel kanskje en ny sprintertype på gang. Ikke så kompakt og makssterk. Kan i alle fall se litt sånn ut med typer som Bolt og Ndure. Tror nok en kaster bør være relativt sterk, men 200kg i benk og 300 i bøy kan da ikke være nødvendig. 3,50 i stille lengde er nok mere på sin plass da det gjelder å å være eksplosiv.
Eg trur du er inne på noko her.
Serleg når det gjeld sprintarar, kan det sjå ut som du har rett. Dei trenar då òg mindre maksstyrke med vekter no enn sprintarane gjorde for berre 10-15 år sidan. I staden brukar dei meir sprintspesifikk styrketrening, som til dømes løp med motstand og hoppøvingar med ekstra belastning.
Talar me om kastarar, so er det vanskeleg å finne døme på gode diskoskastarar og kulestøytarar som ikkje har ein ekstrem maksstyrke. Mette Bergmann, som har den norske rekorden i diskos på 69,68 har òg ein EM- medalje i styrkelyft. Det er interessant med Dani Samuels, som eg nemnde i eit anna innlegg, for ho trenar altso ikkje knebøy. Trenaren hennar sa det i eit intervju. Kan hende ho snik seg i veg og trenar knebøy når han ikkje ser henne? [/ironi]
Eg har allereie tala om sleggjekastarar, og korleis verdsrekordhaldar Yuriy Sedykh ikkje har so imponerande resultat i vektromet som mange andre kastarar. 120 kg i benkpress, 230 kg i knebøy, 155 kg i frivending, 120 kg i rykk. Han hadde heller ikkje meir enn 3,15 i stille lengde, og eit vertikalhopp på 85 cm, truleg i Sargent-test. Hovudtyngda av treninga hans Sedykh var sleggjespesifikk, ikkje generell. Han var ikkje "svak", det er berre at styrken hans var serleg retta mot å kaste sleggje. Elles er diskoskjempene John Powell og Anthony Washington interessante. Styrketreninga til Powell var eksplosiv. Ikkje veldig tunge vekter, 5-8 repetisjonar og full fart. Washington bruka i grunnen berre to øvingar med stong: Knebøy og push press. Sergej Litvinov jr. har òg eit veldig enkelt styrkeprogram. Lynraske repetisjonar i rykk på 60-70 kg, tilsvarande i vending på 120-130kg, og knebøy. Eg veit ikkje kva vekt eller repetisjonsskjema han brukar i bøy.
Alt i alt trur eg at kastarar og kasttrenarar lyt taka innover seg kva Anatoly Bondarchuk skjøna. Generell maksimal styrke er verdlaus om kastaren ikkje kan konvertere henne til eksplosivitet i kastrørsla.