Rett tilbake i norgestoppen

[Zuul]

Geir Grønnevik gjorde comeback så seint som i romjula. No er han allereie landets neste beste vektløftar.

Av Rune Fossum Publisert  15.01.2008 - 15:10 Oppdatert 15.01.2008 - 15:15 Tips ein venn om denne saka Skriv ut denne sida For eit år sidan gjorde ein hofteskade at Geir Grønnevik måtte leggje opp som vektløftar.

Men i romjula var han tilbake - og no peikar pila berre ein veg:

På statistikken frå Norges Vektløftarforbund for 2007 ligg Grønnevik allereie på andreplass etter det sterke comebacket.

Han er berre slegen av kongepokalvinnar Per Hordnes frå Bjørgvin med litt over 20 poeng.

Medan Grønnevik er registrert med poengsummen 356,13, står Hordnes med 377,77.

Rangeringa over Norges beste vektløftarar uansett klasse i 2007 er også oppløftande lesning for Tambarskjelvar.

Klubben har totalt fire løftarar inne på topplista i senior; i tillegg til Grønnevik er også Steinar Kvame (3. plass), Stian Grimseth (7. plass) og Jostein Frøyd (10. plass) inne.

Vebjørn Varlid toppar dessutan lista for ungdommar, medan Sindre Rørstadbotnen er nummer fem i same klasse.

http://www.firda.no/sporten/article3281005.ece