Må Dykk ikkje ta det so tungt ungfolar. Som Hols7aD so elegant påpeikar, har den siste tida mi vore prega av meiningsløyse og tøys, spesielt i loggane til folk som er i min umiddelbare omgangskrets.
Korvidt du tolka mitt inlegg som personleg eller ikkje kan eg ikkje seie, fordi det du gjev utrykk for gjennom verdsveven på ingen måte treng å gjenspeile røynda. Du kan vere sår og lei deg, ja kanskje til og med ta til tårene, men trass det skrive eit lystbetont inlegg med høg forekomst av smileteikn, slik at vi tolkar det som om du er glad og ikkje litt fornærma over inleggets karakter. På den andre sida kan du smile av inlegget mitt, ja kanskje til og med flire litt, men skrive eit krasst inlegg som gjev oss det intrykket at du har vorte grådig fornærma over min uttalelse.
På same måten kan du ikkje vite i kor stor grad eg er seriøs i forhold til det eg skriv, og måten eg utrykk meg på over nett. Du må difor ta det med ei spiseskjei salt, og kose deg med treninga.
Men eg må stille meg spørjande til i kva grad eg har vore miningslaus dei siste dagane. Om det er inlegga som kom i 04:00 tida natt til søndag, so har det ein bakgrunn i svekka dømekraft grunna høg promille-andel av blodet mitt som beståd av alkohol. Om det er tidlegare inlegg du siktar ti, ber eg deg sitere desse, slik at vi får løyst opp dei uoverenstemmelsane som ligg bak misforståinga.
Angåande definisjonen av fornærmelse, siterar eg frå den norske utgåva av thefreedictionary.com:
subst. m fornærmelse () [fɔɾˈnæɾməlsə] det å fornærme; krenkende/støtende utsagn
Altså er ein fornærmelse eit krenkande utsagn, og eg trakk difor en konklusjon, som kan vise seg og vere forhasta, at når du skreiv krenkande, eller fornærmande om du vil, ord vedrørande oral nytelse i mi loggbok, var det ein reaksjon på eit inlegg som du hadde opfatta som krenkande eller fornærmande i din logg.
Dersom dette viser seg og vere feil, og alt starta med ein misforståelse, som pr definisjon er:
subst. m entall misforståelse ( misforståelsen) ['misfɔɾstoːəlsə] det å misforstå, gal oppfatning
so beklagar eg dette sterkt. Eg oppfatta inlegget ditt galt, og eg håpar det ikkje har gjeve deg varige mén.
